笑看天下：應宣告無限期發呆-施友朋

佔領運動去到今時今刻，「某程度上」說已經敗象紛呈！最搞笑的是學民思潮嘅黃毛小子忽然熱血上腦，宣告「無限期絕食」，這場騷玩咗冇幾耐，黃毛小子就要飲葡萄糖水，匆匆忙忙又宣布結束絕食行動！同文勞永樂醫生一篇「大話精絕食騙全球」贏得滿堂喝采！所謂「絕食」，如此惜身，點向對手施壓啊？

黃毛小子空有一張「抗爭」嘅臉孔，講就自以為天下無敵，可惜咁嘅斤両，只配與淫賤黎相擁抱；老朽但知「抗爭」嘅臉孔，生命有一種俊朗而剛強的本質，好似革命家譚嗣同，當年，佢可以逃亡海外或避走南方，可他硬要留在殺機四伏嘅京城，等着那把又冷又沉又銹又鈍嘅鬼頭刀，無情的斬向自己的脖子！

譚嗣同之豪言壯語，至今依然閃爍一張抗爭臉孔嘅光芒：各國變法，無不從流血而成，今日中國未聞有因變法而流血者，此國之所以不昌也。有之，請自嗣同始！

甚麼是「抗爭」嘅臉孔？黃毛小子好好照一照鏡，撫心問一問自己：配嗎？一場「無限期絕食騷」——露底了！雙學自始至終胡作非為，衝擊立會、包圍政總、佔領馬路……想做就去做，完全不顧後果，結果搞到天怒人怨！搞到香港市民，尤其運輸界冇啖好食，佔領區商舖大嘆倒楣，再加上怪物「鳩嗚」來襲，損人不利己，如此天殺嘅——係都要搞到香港雞毛鴨血才過癮！

雙學反口覆舌，一時一樣，原本話要退場，如今又改口，學聯副秘書長岑敖暉又指未來會趁政改第二階段諮詢官員落區時有行動！

仲行乜動啊！明明失敗了就唔好輸打贏要，鞠躬退場重返校園讀好書才是正道，黃毛小子趁四肢乏力、氣若游絲之際，最好宣布無限期發呆，靜思己過，某程度上或可以立地成佛！善哉善哉！