楊怡偏心羅仲謙幫出面

緋聞男女楊怡和羅仲謙出席劇集《On Call 36小時II》宣傳活動，羅仲謙及馬國明等即場做掌上壓，二人偷雞Hea做，羅仲謙笑說：「我呢啲神枱級o既係唔郁o既！」最終被監製罰重做一次單手掌上壓，並由楊怡當評判，楊怡立即維護「男友」：「搵我做評判死梗啦！唔使做，下一個環節。」而楊怡與粉絲合照時，羅仲謙笑言不敢走近：「我怕啲Fans唔鍾意。（尷尬？）我大件，費事遮住啲Fans。」

二人接受訪問時，楊怡不停抹汗、撥涼：「我件冷衫好熱，冷氣又唔夠。」問謙仔為何不為「女友」撥涼？他兜個圈讚「女友」：「佢係好獨立、好叻o既女士。（頭先佢錫住你唔使你做掌上壓？）佢都係想個流程快啲啫，唔係特別關照我。」在旁的楊怡即說：「如果個冷氣大啲，我叫佢做多幾下。」二人都表示因工作關係未能一齊看首播，楊怡笑說：「都係幫襯網上。」