馬國明積極儲老婆本暗示要結婚

藝人馬國明（馬明）出席TVB台慶獎品大晒冷活動，「心多」的馬明表示「咩都想贏」，不過自嘲從小沒有抽獎運：「自己架車已經用咗五年，層樓都廿幾年，希望今年台慶可以轉轉運，抽中車或者樓啦！」

另外，活動中馬明與胡杏兒比賽「拉枱布」，從未練習的馬明表示「未驚過」：「好彩對手係杏兒，杏兒都唔憂啦，我係個打工仔，叫杏兒畀埋我啦！」之後馬明表現落力，期間卻不慎把枱上的叉飛到抽獎用的名車上，把車刮花了少許，即被其他藝員拉著要他賠償。馬明即「扮可憐」呻窮：「我好窮，要搵多啲錢，如果唔係第日點結婚，（已經有對象？）未有，不過都要儲定錢。雖然鍾意簡單o既婚禮，不過到時睇對方想點啦！」