何韻詩心郁郁想生B

20131124
東網電視
更多新聞短片
何韻詩趕返港出席新碟發布會。
何韻詩出席完在台灣舉行的金馬獎頒獎禮,即馬不停蹄趕返港出席新碟簽唱會,吸引數百「菇迷」捧場,對於過往金馬獎影帝、影后都有一隻三吋迷你金馬獎小禮物,阿詩說:「我冇喎,能夠企上呢個台已經遮住半邊咀啦,仲想又食又拎咩!」
日前從新加坡飛往台灣時,因航空公司態度太差,令她在網誌留言發炮,阿詩解釋:「態度好差,不停為難我哋,平時Check in幾分鐘,最終搞咗半個鐘。」
婚禮冇遇見容祖兒
早前專程趕返港出席化妝師好友Arris Law婚禮的阿詩,坦言見不到同場的容祖兒,她說:「真係見唔到,陳皮舊聞仲講?(唔知祖兒做姊妹?)你講咪知。」剛放了三星期大假的阿詩透露返了鄉下,她說:「返咗舊時讀書地方加拿大,去番當年住間屋,真係有諗過買間送畀父母養老,今次好多回憶。」
加國資助人工受孕
公開承認同志身份的阿詩透露加國對同志權益很好:「可以結婚同生仔,聽朋友講當地政府有資助人工受孕。(妳想喺當地結婚、生仔?)乜都有考慮,我啲中學同學個個都有三、四個小朋友。」年屆三十幾的阿詩笑言追不上,她說:「真係有心郁想生,時日無多,不過好似同學咁生三、四個就變高齡產婦。」阿詩還笑說:「到時可能陀住個肚出嚟做嘢,睇吓大家對我接受能力有幾高,之前著晚裝過到關,刺激吓大家視覺。」
另外,九龍城發生拐B案,剛回港的阿詩說:「有望過段報道,香港好癲,乜都可以發生,希望個BB快啲搵番。」