陳凱琳出戰華姐壓力大

應屆港姐陳凱琳（Grace）、蔡思貝出席《關懷社企顯愛心》錄影，Grace表示一月將參選華姐，由於今年是全民投票，加上自己代表香港出賽，故心情既緊張又大壓力，問到會否增肥？她說：「唔會，反而要增加自信心，今次係睇表現，有問答同才藝環節，所以都會鍛練多啲才藝，到時應該會吹笛。」而稍後與鄭俊弘、李思捷拍喜劇《牛頭愛搭馬嘴》的蔡思貝，則希望跟思捷有對手戲，她說：「好想學下人哋啲演技、切磋下，因為我知演戲有火花係好重要，一個有經驗嘅人同一個新人應該會擦出火花，因為佢會帶住我做戲，我可能會得心應手啲。（唔怕傳緋聞？）緋聞就唔係真啦，我唔會驚，呢啲都係得啖笑。」她又指正煲劇鑽研演技，問到留意細節同時，有否看到穿崩位？她說：「穿崩位好難睇到，我哋公司製作好少，係有心人睇30次先睇到，其實劇本寫得好，娛樂唔使咁執著。」