廖碧兒恭喜陳豪誕B 但唔諗住送禮：祝福最重要

廖碧兒出席活動時，被問到知否前男友陳豪誕下兒子？她表示：「宜家咪知囉，我啱啱落機。（會唔會打電話祝福佢？）透過你哋祝福係最好方法，佢都收到好多大家祝福，祝BB健健康康。今年好多朋友生BB，但係有啲都唔成功，有開心同唔開心。」她又表示自己尚未到微博看陳豪兒子的相片。問到會否買禮物托朋友送給對方？她坦言：「唔會，祝福最重要，我送上健康的祝福。」問到羨不羨慕對方？她坦言希望自己將來亦會有幸福的家庭，但目前未心急，先做好自己工作。而廖碧兒活動全程笑容牽強，訪問期間更數度展現愁眉，似乎有啲心事，唔知係咪心急想知幾時輪到自己做媽咪呢？

另廖碧兒今日在微博全程只談工作，未有再額外向前男友陳豪送上祝福。