謝天華恨攞影帝 紅到買餸唔使畀錢

藝人謝天華離開無綫拍電影後首度亮相有線節目，向來被指花弗的他在訪問中呻冤：「可能我個樣令人覺得係咁，但係大家唔好以貌取人。」接著他向老婆表達心跡：「佢（太太）喺我失敗時對我不離不棄，共患難先緊要。」問夫婦如此恩愛，可有生B計劃？他說：「依家好興人工受孕，但係我哋都係想順其自然，屋企又冇畀壓力我，而且我同老婆依家好享受兩公婆o既生活。」

愈紅愈要謙虛

另外，談及工作，他自爆曾因劇集而爆紅，令他感到飄飄然：「突然間畀全香港所有人注視，落街不停有人同我打招呼，連去街市買餸都唔使畀錢。」不過他慶幸沒被名利沖昏頭腦：「紅咗更要謙虛。」最後他又坦言渴望成為影帝：「每一個演員都想（做影帝），話唔想嗰個就唔好再做喇！」