台慶頒獎禮：田蕊妮成雙料視后 黃子華粉碎張智霖視帝夢

無綫《萬千星輝頒獎典禮》今晚在將軍澳電視城舉行，共頒發十四個獎項，賽果令人驚喜！缺席的黃子華，竟後來趕上首贏視帝，揮低大熱的張智霖（Chilam）及中段到場的吳鎮宇。子華憑《My盛Lady》「香廣男」一角搶得視帝賽座，司儀鄭裕玲即致電給身在上海的子華宣布喜訊，子華搞Gag說：「係咪即係視帝？有幾多個視帝呀？邊個選我出嚟？佢哋真係好專業，好有認可性呀！」大熱倒灶的Chilam其後贏得「最受歡迎電視男角色」（77,948票）作「補償」，他明顯強顏歡笑，致辭時明顯有弦外之音：「係咪TVB唔鍾意我？點解觀眾選有？」

視后方面，田蕊妮憑《巨輪》「倀雞英」一角得獎，兼得「最受歡迎電視女角色」（100,614票），成為「雙料視后」，阿田兩次獲獎都激動喊晒，食白果的鍾嘉欣大方送抱。

最佳男配角爆冷由資深演員許紹雄憑《My盛Lady》贏得，女配角則是江美儀憑《衝上雲霄II》的「重口味Head姐」角色贏獎，她激動喊晒與劇中對手馬國明擁抱，上台後高呼：「阿媽我得咗喇！」「飛躍進步男、女藝員」賽果正路，上位小花岑麗香揮低勁敵黃翠如奪「女飛躍」，她在台上眼紅紅致辭。「飛躍男」由「兜巴信」王浩信贏得，他向曾掌摑他的劉松仁及謝雪心等致謝，並感謝老婆陳自瑤及女兒。此外，最佳節目主持由洪永城及黃翠如憑《走過浮華大地 亞洲篇》得獎，洪永城High爆說：「打個車輪先。」並搶著講頗失風度。