叱咤：陳奕迅認老態 心情低落

陳奕迅(Eason)在慶功宴上心情明顯好轉，問到頒獎禮上似面黑黑，他否認說：「唔係呀，好平和，平和個樣就黑架啦，昨日（指除夕夜）都有記者誤會咗我，其實我都好平和，一定要一齊走架咩？我哋大家好獨立。」他否認跟太太嘈交，他跟另一個朋友因為沒怎樣飲酒，所以就先攞車走先，酒店叫他行後門，一樣有記者，他說：「夜麻麻幾盞燈照住你，唔通仲笑晒口。」

對今晚頒獎禮表現，他直認有少少不開心，但不是最大問題，他強調心情好平和，只是覺得沒有什麼事值得好慶祝，他說：「唔關頒獎禮事，只係1月1日唔覺需要特別開心，（你上台話要多啲FUN？）依家自己啲歌好老態，任我含（行），自己啲歌冇咁激昂，反映自己嘅心態，嚟緊做番啲行啲嘅歌。」問到剛才跌爛了獎，他笑說識好多木工，會叫對方修番好。

EASON又說：「坦白講真的有點悶，都唔係今年的事，同期的楊千嬅，古巨基，鄭中基都沒有到，梁漢文又坐開晒，（嘟姐講笑話你跌了兩億是否因為咁唔開心？）其實我聽唔到。」他第十度奪得男歌手金獎，他表示沒期望第十一年，活在當下，又自嘲老了，心態不同了。他說：「我要搵番啲幹勁，見到啲新人，衝勁好有希望，自己好似冇乜幹勁，（生個仔咪有幹勁？）講緊自己，呢啲雙方面，強制性唔得嘅，個女仲同我哋瞓緊。」