安志杰專心工作 不介意為電影摧毀身材

武打影星安志杰在英皇電影《救火英雄》中飾演助理消防區長，與主角謝霆鋒及余文樂不乏對手戲，片中身高要職的Andy雖只得一場衝入火海戲份，但已滿足了其兒時夢想：「細個喺外國生活想做消防員，有份情意結，今次都滿足咗，當年冇考係因為貪玩，未咁有責任心。」提到與霆鋒已四度合作，他直言默契十足，一埋位即可交戲。

Andy接連有《激戰》、《特殊身份》及《救》片上映，身手了得加上爆肌身材令人難忘，早前更被「宇宙最強」甄子丹盛讚有資格做接班人，重提此事，Andy謙虛地連講兩聲「thank you」：「有少少驚，有其他人好過我o既，希望有機會繼續拍好啲動作片！」對演戲甚有追求的他希望做打星之餘亦可擴闊戲路，月前在內地試演愛情喜劇，亦不介意為拍戲摧毀苦練多年的Fit爆身段。

自與霆鋒胞妹謝婷婷甩拖後，Andy一直很忙，保持單身，問到會否感寂寞想找個伴？他說：「我唔心急，想專心工作先，悶會搵朋友、做運動，陪媽咪家姐。（媽咪催拍拖？）有，佢想我穩定，但我話好忙呀！跟住走咗去。（同婷婷仲有聯絡？）一段時間冇，但仲係朋友。」