廿四孝老公梁朝偉 幫劉嘉玲拎戰利品

影帝梁朝偉向來喜歡獨處，今日他孤身一人睇完戲再去買衫，戴上Cap帽，再加口罩的梁朝偉，幾乎將整塊面蓋著，十分神秘。偉仔於晚上七時多由戲院步出，只見他若有所思地走去時裝店，並直接前往女裝部。雖然店內掛滿女性內衣，但貴為影帝的梁朝偉未有異樣，並由羽絨外套口袋內掏出一張紙，然後遞給售貨員。未幾職員已拿出一袋包裝好的貨物給他，看來應該是幫嘉玲取東西。

好老公梁朝偉幫嘉玲取完女裝後，再悠然自得地於商場閒逛，未幾步入羽絨專門店，並細心地左揀右揀。只見偉仔很快便挑中心頭好。當偉仔發現有記者時，表現略為愕然，但仍大方地揮手。未知是否因獨行興致被破壞，他之後急急腳前往停車場取車走人。