陳展鵬唔排除做未婚爸爸

本月14日生日的藝人陳展鵬今日在灣仔和過百名粉絲慶祝37歲生日，其中更有從內地和馬來西亞等地特意來港的粉絲。粉絲們準備了一個兩層高的蛋糕，又有小粉絲上台送上金咪，喻意展鵬能多多唱歌，展鵬更親吻了小粉絲的額頭一啖，非常風騷！

在台上，展鵬透露會與電視劇《巨輪》的班底，於三月一日到馬來西亞開Concert，令現場一眾馬來西亞粉絲興奮到尖叫。

受訪時，展鵬表示生日正日要拍劇，之後才可和朋友們補祝，問到有什麼生日願望？他謂：「想世界和平啦，老土啲，自己同家人、朋友都身體健康啦！（成家立室？）身體健康就自然可以成家立室。緣分到就結婚o架啦，遇啱就結o架啦！」又笑言拍劇時經常拍拖、求婚，到真的求婚時就可以馬上roll機，知道要講什麼對白。

展鵬亦指家人沒有催婚：「唔會催，佢哋想我身體健康，依家五、六十歲先生（BB）都得，結婚都係想我傳宗接代。（跳step，傳宗接代先？）唔出奇，依家呢啲好即興，唔係我阿爸阿媽嗰時，咁樣仲刺激！時代唔同啦，咁幾豐盛、幾充實呀，人生精彩啲都幾好。」

自陳豪結婚後，馬國明和陳展鵬就接捧，成為無綫兩大荀盤，但他就謙爆笑言：「我最多係優質股，有機爆吓、價位升吓，但隨時會跌！」