陳嘉桓俯身收利是 黃宗澤嗌唔好

20140112
東網電視
更多新聞短片
陳嘉桓俯身寫大字晒3吋事業線,黃宗澤目不斜視。
有「筍盤」之稱的黃宗澤(Bosco)偕陳嘉桓(Rose)出席新春活動,他更獲大會新聞稿稱為「鑽石型男冧女王」,對此Bosco笑謂:「多謝大家畀面。(冧女有一套?)我冇,個稿打錯喇。(冧女叻?)我真係冇呀!(煮嘢勁?)煮食係一個條件啫,唔係話攞嚟冧女嘅。」他坦言以前女友都試過其手勢,更獲一致好評,問到通常煮乜冧女?他說:「睇當時買到啲咩餸,冇特定,最拿手整西餐。(心型牛扒?)心型係噱頭啫,好冇食先緊要。」
Bosco希望新一年其舖頭生意興隆,自己多工作多戲拍,至於桃花方面,他反問記者:「睇吓你哋有冇好介紹喇?我要獨立啲、聰明啲,我唔要湊女。」語畢在旁的Rose即笑道:「我一定唔啱你。」並謂要為Bosco物色女友,Bosco則自爆:「有日拍戲等埋位,佢突然話:「你都空置咗一段時間喇喎!」聽到呢個新名詞都幾得意,我都問佢有冇好介紹。」
問到Rose是否其適合人選?Rose即搶答:「佢唔要湊女嘛。(你要人湊?)啲人誤會我仲係細路女,你都不停話要請我食嘢啦,咁你覺得我細唔細路女呀?」Bosco笑答:「少少啦。」記者指Bosco請食飯似是追求Rose,Rose說:「唔係,因為開工全組人都知我鍾意食嘢。」Bosco則「護花」解釋Rose並非大食,只是自己細食,認為現今女仔少有不減肥,又指Rose食得好開懷兼食極唔肥。
問是否二人擦不出火花?Bosco說:「我哋演戲有火花,佢好犀利,未見過佢有咁嘅形象。(被影到Rose身材好勁!)嗰日同佢開工,除咗導演要求我望,我都唔敢望佢,依家做咗訪問咁耐,我都唔敢45度向下。」提到活動期間Bosco彎腰送利是給Rose,而身穿Tube dress露三吋事業線的Rose,也禮貌地俯身接利是,男方即尷尬大叫:「唔好」,受訪時Bosco自稱:「我即刻擰歪面,好尷尬。(你有乜未見過!)唔係有乜未見過,係唔應該望。」