黃翠如否認姣冧蕭正楠：情願同洪永城

藝人黃翠如為無綫新劇《舌劍上的公堂》出席宣傳活動，對於被指以姣嗲招數攻陷蕭正楠，翠如笑言感激給予她做封面的機會，更笑指原本還以為是傳不和：「之前寫過我同黃智雯，以為（今次）都係傳不和，估唔到竟然係緋聞。（咁真定假？）我哋每日瞓得三個鐘，仲邊有時間搞緋聞？」翠如笑指整件事只當是宣傳，但對於被形容為「姣」覺得有點介懷：「呢個字同我好唔襯，我無咩女性元素。」再問她若見到蕭正楠緋聞女友何傲芝會否尷尬？翠如說：「唔會，係人哋嘅事我覺得無必要去八卦。（真係無發展機會？）我拍完就要飛歐洲、南非幾個月啦！」她更笑指要重投洪永城懷抱：「同佢傳最安全，我最多唔嫌棄佢啦，幾個月後就無事㗎喇。」