劉丹勸威冪減少工作造人

剛榮升新老爺劉丹出席完兒子劉愷威和新抱楊冪的婚禮後首日復工，返電視城為劇集《愛•回家》拍攝，心情大靚的他表示仔仔和新抱不會返港向他拜年：「佢哋兩個都喺大陸開緊工，放唔到假。」丹爺又透露二人同樣身在上海開工，但車程要個半小時，甚為遙遠。

劉家子女唔小器

一對新人曾表示不會在港擺酒，劉丹亦大呼擺酒十分辛苦：「都係分組食飯啦，呢啲都要做。（預計要食幾耐？）哈哈，唔知呀。」問何時宣布「雙囍臨門」？他即笑說：「幾時有就幾時宣布。（有消息話楊冪有咗4個月？）報道話啫，我都未話。（有冇問？）唔使問，有就自己會講。（怕孫仔小器所以唔公布？）如果好似我同阿威咁就應該唔小器，我兩仔爺都唔小器。」

講到出口恨抱孫

提到早前問過凱威是否雙囍臨門時，他只是嘻嘻笑不語，丹爺解釋：「一定係咁喎，你問我都係咁笑。」問心急抱孫？他說：「你話唔心急就假，但又未至於心急得咁交關。（叫楊冪疊埋心水做劉家新抱？）咁又唔得，佢都鍾意做嘢。（減產？）其實兩公婆都應該減產，唔好做得咁密，做番啲應該做o既嘢。」丹爺又透露他們婚後將會在香港、大陸兩邊住：「佢哋兩邊都有屋。」