苟芸慧努力覓如意郎君

藝人苟芸慧出席商場賀年活動，獲小朋友送上祝福時著她早日找到另一半，令苟姑娘甚為尷尬，事後她笑說也想叫對方介紹一下：「我覺得呢方面無得心急，等時機到，我希望下一個就係結婚對象，女仔係要有屋企，我會努力。」

問到身體不適時可有追求者照顧？苟姑娘直言當時只想收埋自己不想外出，故沒有給予別人機會亦沒給機會自己，只想在最靚的時候才認識別人：「今年我都會買桃花返屋企，睇到有花喺屋企都開心啲。」

苟姑娘稱希望農暦新年可請家人從加拿大來港，事關若將來有自己的家，就會更少時間陪父母，現都正在倒數，笑言自己像是想退休般：「可能病完之後心態唔同咗，好清楚知道自己想要咩，（咁會唔會索性叫屋企人嚟住？）想㗎！好似加拿大冬天好凍，想佢哋返嚟過冬，（屋企夠大？）所以要努力賺多啲。」問到是否更大動力去工作？苟姑娘坦言是，病的時候情緒很不開心而影響到別人，現時好希望可以將歡樂帶給大家，故一定要健康。