黃芷晴否認媽咪患血癌

黃日華女兒黃芷晴出席商場活動，對於有報導指她媽媽梁潔華患重病，身體免疫力全無及已入院接受化療，病徵更疑似是血癌，芷晴澄清不是血癌：「媽咪情況ok! 冇咁嚴重，亦唔係化療，不過媽咪已經唔係圈內人，想低調啲，唔講住，多謝大家關心。(即係唔駛擔心去搵合適骨髓？）係，唔駛擔心，未去到咁嚴重，希望大家小心身體。」她透露媽咪12月中才入院，故父母的銀婚紀念日正日不是在醫院度過：「正日係12月7號，喺屋企簡單食飯過，daddy都好錫媽咪。（媽咪一直冇出過院？）哈哈，我諗大家會明白。（醫生有冇講幾時可以出院？）唔好意思，媽咪唔想影響我同daddy。」她又承認有為此事而喊過：「始終會關心家人。（爸爸愁眉不展？）咁啱影到啫，你知佢成日都係咁，不過依家心情都ok，daddy會處理。」有指梁潔華一直發燒不退，她否認：「都無發燒，多謝關心。（媽咪抵抗力低，所有嘢都要保持清潔？）多謝關心。」再問到媽咪是否暴瘦時，她說：「唔係，都差唔多，總之有食嘢。」有指醫療費甚貴，故daddy要在接工作時，芷晴笑說：「唔好咁講，唔係要撲水，其實啲工作12月、1月時已經簽咗。（爸爸要兼顧工作同媽咪好辛苦？）呢輪係辛苦少少，係比較忙，所以都少咗出街，不過我同daddy 都handle（處理）到。」

而她在活動中亦拿著一枝「家宅大吉」的巨型竹纖合照，並表示希望在快將來臨的農歷新年可以一家人食團年飯，她說：「希望媽咪快啲好返啦。」