華姐：陳凱琳唔驚平胸輸蝕：其他方面贏番

《2014國際中華小姐競選》將於本月26日舉行，於今日記者會中獲抽中試戴后冠和權杖的陳凱琳（Grace），受訪時表示心情平靜：「比起第一次見大家，今次係平靜啲。（因為攞咗冠軍？）個個都係冠軍嚟架。」問到會否覺得「本地薑」有優勢時，她說：「咁又唔會，出到街啲人會同我講話睇好我，我好感激佢哋支持，不過我會有壓力要再做好啲，唔係過唔到自己嗰關，希望今次行出嚟更加大方得體，畀觀眾知道我經過咗半年後係有進步。」

她又覺得被抽中試戴后冠十分幸運：「係luck嚟，我知舊年張名雅都抽中。（佢只係季軍！)都係三甲吖。」問到上圍平平似小孩的她，面對一眾高大的「過江龍」會否覺得輸蝕時，她說：「唔緊要啦，其他方面可以贏番。（睇好邊個？）因為我同6號（黃之豫）同房，我呢排同佢傾開計都熟啲，我覺得佢每一樣嘢都好平均，自己好鍾意佢，亦祝福佢。」