陳嘉桓揀男友睇人品 唔介意住公屋

20140120
東網電視
更多新聞短片
陳嘉桓話揀男友人品最緊要呀!
藝人陳嘉桓(Rose)穿上低胸連身短裙,出席電影《男人唔可以窮》煞科宴,性感程度冠絕全場。她透露片中飾演陳偉霆(William)老婆,角色較性感:「喺入面我個角色符合好多男網友鍾意嘅嘢,例如會着黑絲、短裙、白恤衫、黑西裝、戴幼框眼鏡,外表好性感,所以今日着得性感啲,但喺套戲入面會更加性感。」
談到早前被拍得在戲中的造型上圍很豐滿,問到是否加工?Rose表示:「冇,係真材實料,啲衫窄得滯就可能滲到啲出嚟。(點解今日唔以戲中造型亮相?)畀啲遐想大家先,等套戲上就可以睇到。」她又指有場戲要挑逗黃宗澤(Bosco),並謂:「拍嘅時候所有工作人員都唔敢正視我,因為入面我着咗高踭鞋,佢哋視線一係耷低,一係望高,唔可以水平線望我,令到佢哋好尷尬。」
問到揀男友的先決條件是否「唔可以窮」,Rose表示:「識嘅時候唔會知對方係咪有錢,所以要識落後再睇人品。」Rose又認為人品勝過一切:「最好有經濟能力,夠食夠住就可以喇。(即係住公屋都唔介意?)要識落睇吓係點,住屋環境舒適就得。」