湯盈盈樂做跟得夫人

藝人薛家燕自掏腰包筵開5圍，邀請劇集《新抱喜相逢》的台前幕後出席首播飯局，有份出席的湯盈盈表示今次已報名夾份請食飯，她說：「不過家燕姐話唔使，會包辦晒，所以下次啦，可以輪流請，我諗會食幾次飯。」她又透露農曆新年會留港度歲：「會帶個女去拜年、逗利是。（幫補下？）唔係，係意頭嚟，我未結婚時可能佢哋以為我黐飲黐食，所以依家要賠番Double。」她又表示未知老公錢嘉樂會否跟隨《獎門人》出埠做賀年團拜：「如果佢出埠做我會做跟得夫人，跟埋嘉樂去，不過今年個家庭大好多，要同埋老爺奶奶拜年。」

談及新年檔期觀眾大多會出外旅行，故多被叫做炮灰檔，她笑言不擔心會影響收視：「一定會有人喺香港。」在劇中要對付奶奶薛家燕的她，表示現實中與奶奶相處融洽：「奶奶好Cool，我同佢好Friend，唔會有婆媳紛爭。」