大陸　袁詠儀被捲入詐騙事件 誓追究到底

藝人袁詠儀（靚靚）被無辜捲入詐騙事件，昨晚靚靚於微博轉載一則圖文新聞，可見圖中有農民拉橫額指被袁詠儀與關之琳聯合騙去血汗錢，今日接受《東網》訪問時，靚靚對於自已遭人盜用名字及肖像一事非常氣憤，更譴責騙徒漠視人權及法律：「連農民血汗錢都呃，真係好嬲，要追究到底，件事用咗我個名，但一啲都唔關我事，唔明白點解有人可以漠視人權同法律，盜用人哋o既肖像，周圍招搖撞騙，呢種事絕對唔可能喺香港發生！依家我公開件事，係有望大家可以幫我人肉搜尋，搵番個人出嚟，我會追究到底。」

事緣約一年前有人透過經理人聯絡靚靚，指希望成立品牌合作，靚靚對合作事宜感興趣，但對方與靚靚僅見過一面後沒有再次接洽，靚靚認為事件平常沒有在意。但一段時間後有朋友通知她，有人以袁詠儀與關之琳之名義在內地開設連鎖時裝店，靚靚遂與對方聯絡並準備就盜用名字及肖像權一事提告要求賠償，但對方搬出家人患病等理由求情，心軟的靚靚最終沒有追究。對方卻變本加厲到內地其他省份開設分店，靚靚得知後，決定請經理人循法律途徑追究，預計在農曆年期間開庭，但庭未開又再次發現農民被騙事件，靚靚已準備為事件追究到底。