伍允龍唔否認五年內結婚生仔

藝人伍允龍出席有線節目《為食情報局》記者會，他表示平日有下廚，大學時期更曾向媽咪學煮食，問到「女友」有否試過其手藝？他說：「好多朋友食過都話ok。（嘉欣有讚？）佢有食過我煮嘅嘢，都覺得ok。」對於嘉欣表示希望35歲前生B，他笑謂：「That's a good wish！（你會幫佢達成願望？）等神安排啦。（上天對你好？）神不嬲對我好㗎啦，所有嘢都幾順利，未來嘅嘢等神安排，不過自己都有計劃。」

再追問伍允龍計劃何時生B，佢雖然有答，但其實講咗等於無講，佢話：「結咗婚之後。（幾時結婚？）生仔之前。（有無計劃幾歲？）冇set幾歲，順其自然啦。（會配合佢35歲前？）順其自然啦。」由於嘉欣快將踏入30歲，問到會否於五年內進行計劃？他則表示：「有你哋就會知。」

談到嘉欣公開大讚其新片《惡戰》，並直言望跟他再看多次，伍允龍大方表示有機會一定會和對方一起看，問到嘉欣有否當面讚他？他說：「有，佢話打方面比較好，文戲方面都有畀意見。（讚你身材正？）佢知我好辛苦去練，不過呢個唔係重點，成套戲整體結構先係。」