胡杏兒冧爆隔空叫追求者送花

東網電視

杏兒與吳卓羲出席《醋娘子》的煞科宴。

劇集《醋娘子》在尖沙咀大搞煞科宴，主演的胡杏兒、吳卓羲、岑麗香、羅仲謙、陳煒、梁琤等，均有到場，杏兒和卓羲都開心能在過年前收爐。

聲音沙啞的杏兒表示，前一晚仍拍至凌晨五點：「咳咗好耐，要去身體檢查吓，有啲擔心，希望檢查完可以安心過年。」她又覺得自己開始唔捱得，問到來年會否因此而減產，她謂：「一年香港一部，嚟緊三月又開（劇）。」其他時間則希望在外地搵銀。

早前杏兒大爆有追求者，問到情人節有什麼節目，她就笑言已收到禮物，不過是客戶送的，問到追求者有何表示？她甜笑道：「睇吓佢有咩表示啦！（約咗你未？）冇！我自己都想收花嘅，無論係粉絲送定朋友送都開心。」擺明隔空向追求者明言想收花！

一講到追求者，杏兒就笑得超級甜，問到今次成事機會是否相當高？她依然難掩笑容：「唔知呀，啱啱忙完，冇乜時間，我會擘大對眼睇吓、感受吓。」最後，她還叫大家放心，似乎發展機會頗大。另外，杏兒透露新年期間將與家人到日本旅行。

而卓羲則指已一段時間沒有休息，想在新年好好休息：「去探吓婆婆、嫲嫲，幾年新年冇見過。五、六月先會開劇，（中間拍內地劇？）傾緊，如果冇就休息吓。」

on.cc東網