澳門　周潤發讚謝霆鋒「永遠都咁靚仔」

周潤發、謝霆鋒到澳門出席《賭城風雲》首映，二人受訪時，因為霆鋒繼續戴住黑超，記者笑問二人是否鬥chok時？Chok到入骨的霆鋒竟一片空白不懂回應，發哥即幫忙解圍說：「唔好搞到佢咁尷尬，佢永遠都咁靚仔！」早前有報道指發哥拍攝期間「大蝦細」，霆鋒聞言即否認：「唔係，唔係。」發哥則搞爛gag謂：「唔係蝦、唔係蟹，就係魚。」之前霆鋒畀謝婷婷踢爆拍攝《賭》片期間壓力甚大，霆鋒聞言直認謂：「係有啲。」不過發哥就表示絲毫感受不到霆鋒緊張，更大讚霆鋒打得、演得又靚仔。煮得一手好餸的霆鋒，又指未見過發哥在片場吃東西，故未有機會請他品嘗自己的手勢，發哥即幽默解釋表示：「冇喺你面前食啫，我未達標（身型）呀！」