城城自嘲仲捱緊期望英國買大屋養馬

郭富城出席馬場活動，談及將以個人名義再抽馬時表示，如果愛駒退役，他希望可以把牠們在寓所的天台安老：「我天台有籃球場咁大，屆時會整真草，但唔知佢哋入唔入到電梯。（你退休呢？）最夢寐以求係喺英國買間度假屋，有個花園有山坡可以養馬，將來同我太太、仔女喺大山坡騎馬同BBQ。（等好耐？）人生要有夢想。（快啲搵個女主人？）搵唔難，但做丈夫要有更好心理準備，事業上要得到更多榮譽。（你係舞台王者。）唔通同太太講嫁畀我，我係舞台王者咩？可以畀個存摺佢睇，但我要儲錢，我太多嗜好，又要買Resort，硬件要做好晒先。（你有身家啦！）仲捱緊，一闊三大，做船長要養埋船。（女主人位置有排懸空？）有排，我都有排先達到目的，唔知點算。」