吳奇隆狂吸金拍拖要度期

「四爺」吳奇隆來港出席太陽娛樂文化活動，宣布與黃柏高（Paco）拍住上成立唱片公司，吳奇隆說：「唔知簽幾多年，喺北京有自己電視劇製作公司，同Paco合作搞唱片公司『太陽動力』，咁多年都喺內地做嘢，睇到環境覺得唱片有得做，來年主要都係做電視劇、電影製作，唱片就由Paco負責，慳番啲時間。」

問是否慳時間可以與女友劉詩詩拍拖？他說：「依家一切幾好。（結婚？）呢啲嘢唔係一個人決定。（冇時間拍拖？）一年十個月時間都係拍戲，互相就啦。（同詩詩合唱？）睇公司安排，佢唱片部分暫時未係我O既公司。」