《東網》獨家專訪：周潤發睇好黃宗澤彈出

巨星周潤發今年有兩部賀歲片《賭城風雲》及《西遊記之大鬧天宮》打孖上，狀態大勇！他日前在北京接受《東網》獨家專訪時表示會「活到老，演到老」，沒有想過退休這回事，他說：「呢樣要睇觀眾囉！同埋如果有一日我記唔到對白，阻住人收工嘅時候，我就會唔拍架喇！」

再拍劇集要睇配套

發哥70、80年代在無綫拍下《網中人》、《上海灘》及《千王群英會》等膾炙人口的劇集，自認電視精的他近年仍有收睇兩線劇，問到是否有機會再跟娘家TVB合作？他說：「視乎有咩Offer、劇本！（拍劇？）有乜所謂呀！如果劇本好，又休息時間夠，可以應付得到咪OK囉！」

阿澤係時候出嚟

發哥又論盡無綫多位當家小生，表示睇好陳豪、馬浚偉、黃宗澤（Bosco）、Bobby（歐陽震華）及黃浩然等，更點名力讚Bosco有望今年彈出：「嗰個阿澤（黃宗澤）都係時候出嚟啦！TVB剩番小生唔係咁多，喺電視係要好長時間浸淫架！」而發嫂則力撐被掌摑出位的「飛躍男」王浩信。

早年發哥在荷里活拍過多部電影，他表示有機會仍會繼續赴美「取經」，但始終以香港為大本營：「香港始終係生活慣咗嘅地方，而且方便呀！唔去第二度喇！」