陳寶珠自爆場場表演都驚兼手凍

陳寶珠及梅雪詩（阿嗲）昨晚喺文化中心大劇院上演《再世紅梅記》尾場，騷後寶珠姐兒子楊天經更向母親獻吻。問到會否覺得辛苦？阿嗲說：「唔辛苦，有得做就唔辛苦。」寶珠姐則謂：「唔係辛苦，係壓力好大。」問到壓力來自仙姐？她說：「好多方面，但壓力都係推動力。」問到越演越有信心？她說：「因為投入，今次合作得好開心，一個團隊合作得開心畀你帶動力係好好嘅。」

她又表示好開心，對於師傅仙姐（白雪仙）大讚勤力，她說：「我哋一定要用心學《再》、去揣摩，仙姐教咗我哋好多感情上嘅事、timing、每場戲嘅感情同個性。」寶珠姐更自爆場場都驚兼手凍：「我好驚，做完第五場就唔凍，因為啲重頭戲完哂。」

提到仙姐給予合格60分，稱二人仍有進步空間，寶珠姐指是應該的：「60分已經好多，起碼合格。」問到仙姐話過年獎勵你哋繼續排練！她說：「好呀。」