羅仲謙楊怡情侶檔賀歲

藝人羅仲謙第一次在香港獻唱為賀年騷表演，坦言心情好緊張，一早已找唱歌老師幫忙，希望多多包涵。問緋聞女友楊怡在場會否受影響演出？謙仔即說：「我係男人，唔易受影響，不過我諗佢都未聽過。（唔唱情歌？）練唔切，我對唱歌冇咩信心。」

當指他還有14天可練習（情人節）？謙仔笑笑口明白意思回答：「咁浪漫？我都未知使唔使開工，可能要飛去登台，（帶埋楊怡去？）我都喺無綫返工，知佢要開劇。（送咩禮物？）搞埋呢個騷先，過埋今年再算。」謙仔又表示首年派利是，之前都有，可惜未有遇見大家。