城城努力獲回報繼續破紀錄

天王郭富城主演的電影《西遊記之大鬧天宮》在大陸開畫首日即錄得1.22億元人民幣（約1.55億港元），勁破5項紀錄，而香港上映三日票房亦有592萬，台前幕前十分興奮。

城城說：「電影有咁好嘅票房紀錄，對製作團隊嚟講係一份好大鼓舞，我作為電影嘅一份子亦好振奮，我特別為投資者同導演高興，大家嘅努力同堅持得到證明，希望觀眾繼續支持，令票房繼續上揚，再創好紀錄。」