林德信陪過生日 松岡李那：好幸福

Girls Kingdom成員日模松岡李那年三十晚慶祝28歲生日，在中環開生日P，請來約30名好友出席，當中更包括緋聞傳足兩年的歌手林德信。林德信唔單止大方同壽星女影大合照，仲儼如男主人般企正中間位。 由於生日撞正新春期間，松岡要求出席來賓穿著中國服，她與好友日模山內藍同樣穿上中國高衩旗袍，分別是桃紅色和紫色，配以兩人的春麗髻，性感又可愛。松岡連環切了兩個心型生日蛋糕，眾人玩至年初一凌晨才盡興而回。 松岡接受訪問時坦言玩得好開心：「生日好開心，好幸福。（林德信都有嚟？）好朋友梗喺度，大家係公開嘅好朋友，唔出奇，佢上年都有嚟我生日會，今年最開心係好多好姊妹都有出席。（生日願望？）希望今年有多啲工作，有多啲新嘗試。」松岡現時放假中，據知她農曆新年前向公司請假兩個月，至3月才復工，期間會到英國旅行，之後再返日本探屋企人。