Mo仔真人不露相 李思雅同電視機合照止渴

陳豪與陳茵媺的愛情結晶Aiden，出世後一直甚少「露面」。今日，李思雅上載與一眾藝人到「雙陳」家拜年的照片，照片所見，眾人玩得十分開心，更不斷大合照，不過陳太及Mo仔在大合照中卻未見蹤影。雖然如此，但其實陳茵媺與Mo仔分別以「估你唔到」姿態亮相，首先是Mo仔。唔知係為咗安全起見，定係想為Mo仔保持神秘感，李思雅就算同Mo仔合照，都只能同電視機入面嘅Mo仔，而螢光幕所見，Aiden明顯經已熟睡。此外，藝人們亦在「雙陳」家中繞著大桃花轉圈，睇嚟想好似屋主咁行個桃花運。思雅留言說：「人日快樂！到Mo家拜年兼睇B，靚屋、可愛B、幸福家庭、豪華咖啡機、年糕、朱古力、行桃花、愉快的一日。」

至於同樣「缺席」大合照嘅陳茵媺，則喺自己微博「現真身」，佢上載咗一張拎住暖水杯嘅相，有感而發問道：「重回舊地，令我回想當天拍這場戲的苦況；雖已隔別了一段時間，但自從『羅適式』（應該係羅式適，《單戀雙城》角色）的出現，令自己對戲劇有另一番的體驗和得著‥‥‥你地（哋）知唔知呢個境係邊場戲呀？」