黃宗澤愛的宣言撐楊崢：我心目中幾歲咪幾歲囉！

「崢澤戀」男主角黃宗澤（Bosco）返電視城拍劇，滿面春風的他，被問是否一如報道所言，有意與楊崢閃婚，他說：「邊有？冇！係三哥（苗僑偉）個衰仔多口啫，佢講笑！我暫時冇結婚計劃。」報道指楊崢年齡報細數，實際上與Bosco年齡相差9年，Bosco為楊崢講好話，他說：「呢啲係我哋兩個人交往，歲數唔係咩重要問題。（相差愈來愈遠，唔怕有代溝？）我冇關心呢樣嘢，所以亦都冇問題，最重要係喺我心目中佢係點樣嘅人。（唔介意佢做高齡產婦？）咁快諗呢啲！講呢啲！我心目中幾歲咪幾歲囉！唔使同大家交代。」

Bosco對於被偷拍得公眾場所咀楊崢，他說：「我冇留意人哋偷拍，我都係做正常人做嘅嘢啫，我唔係聖人，都係普通人一個，大家唔使咁高度關注我哋，畀多啲空間我哋慢慢發展啦！」