胡杏兒戰鬥格力撼「新澤嫂」楊崢

黃宗澤與楊崢高調晒恩愛，「啜蜜」相早前驚爆曝光，黃宗澤更講到明唔介意姊弟戀，最緊要溝通到。舊愛愛得如此高調，加上「新澤嫂」又高調駕駛黃宗澤最愛古董車，兼扮靚靚風騷出巡，胡杏兒亦一於輸人唔輸陣，今日一身戰鬥格出巡中環，窩釘開衩短裙搭黑絲，配以西裝外套及名牌袋，有艷光之餘亦不失貴氣，絕不畀「新澤嫂」比下去。

　

悉心打扮出巡的胡杏兒，今午先到中環整指甲扮靚靚，並逗留至晚上七點左右才離開。當記者問她黃宗澤與楊崢拍拖，有否恭喜對方時，胡杏兒表現大方，更笑晒口表示：「有！恭喜咗佢！」然後步行落皇后大道中時裝店，會合胡定欣、黃智雯、姚子羚等好友，直駛蘭桂坊酒店晚膳，以行動證明，就算無拖拍，一樣活得精彩熱鬧。