楊崢懶理負面新聞：我仲好開心

楊崢被東網踢爆與黃宗澤（Bosco）發展姊弟戀後，負面新聞一單接一單，有傳她曾搶好姊妹黃佩霞老公，楊崢今天回電台開咪後表示：「有啲咁嘅事？以前都回應過，對我嚟講係一單好舊好舊新聞，明白大家都好關注我，所以都挖番一啲唔真實嘅嘢嚟講。」她又表示報道出街後，Bosco未有過問。

提到有傳她報細數，被指與Bosco真實年齡相差九年？她說：「佢答咗啦 ，我都好認同佢所講。」問到差九年？她說：「差幾歲我哋知咪得囉，唔需要大家關心，我哋溝通得到。」問到報道影響心情？她說：「我生活仲好開心。」

提到她被指係model界嘅孤獨精？她說：「傳聞唔真實唔多講，愈講愈複雜，有無朋友大家會知，無需多講。」