黃智賢自掏腰包請食飯賠罪

藝員黃智賢到尖沙咀出席《食為奴》飯局，與同劇演員齊齊睇首播，黃智賢表示今次是自掏腰包請客，皆因早在橫店拍攝時已打算請客，但一直唔齊人，故覺得拖欠了大家一餐。

黃智賢又指請客另一原因是因他自覺「老貓燒鬚」，黃智賢說：「特別想請胡定欣，因為有次拍一場我同定欣及萬綺雯輪住咀嘅戲，一路拍都唔知自己甩咗鬚。後來同定欣啲戲要重拍，花多咗五個鐘，好彩咀戲冇事唔使重拍。」不過，定欣因有工作在身未能出席飯局，黃智賢笑謂：「鬼叫佢嚟唔到咩，唯有欠住佢先。」