張智霖肉搏娜姐　上演港版《風月俏佳人》

張智霖（Chilam）簽約加盟蕭定一旗下後即成寵兒，為助Chilam發展電影事業，阿一已計劃年內開拍多部大片讓男神孭重飛擔正，「試金石」便是安排Chilam夥拍「宅男女神」周秀娜，談一場轟轟烈烈的戀愛，情景細節與當年荷里活經典電影《風月俏佳人》異曲同工。這部名為《千億惡魔愛上我》（暫名）的新片，預算投資超過5000萬，更將先後到日本、歐洲、地中海及墨西哥等地取景，務求以「神級靚景」吸睛。 戲中扮演「港版李察基爾」的Chilam，追女手法層出不窮，包括安排女友搭飛機到日本食拉麵、及遠赴巴黎選購新一季名牌手袋等，處處擊中女生死穴，娜姐自然難逃「Cool魔」的五指山。 而阿一接受訪問時，亦大方承認「撮合」娜姐及Cool魔合作，更預告二人在片中會有情慾戲：「呢啲嘢在所難免，好似當年李察基爾同茱莉亞羅拔絲，都有類似演出啦。」娜姐則透過經理人回覆表示，十分欣賞張智霖：「其實自《十月初五的月光》開始，我已經好欣賞Chilam，之前更加被『Cool魔』迷倒，能夠同佢合作梗係好啦，做『Cool嫂』都好滿足?！」Chilam則搞笑謂：「乜都係假，最緊要快啲畀劇本我睇咗先。（遊埠拍戲仲有豪華享受喎）拍戲咋，咪當真啦。」