馬浚偉同楊怡合作MV有顧忌：驚畀人話亂倫

藝人馬浚偉現身屯門有機農場為新劇《守業者》進行宣傳，他受訪時坦言對收視感壓力：「好難講，我兩年冇返嚟拍劇，以前新劇一出街都會有三十點，依家就有啲壓力！（驚拆咗『收視福將』招牌？）驚！不過好彩過完年啲人多數唔出街，大結局又會連播兩集，到時收視會好啲！」他又自爆今次換了全新演繹方法，希望為觀眾帶來新鮮感。 另他透露情人節會於工作中度過：「要準備新碟，三月有新歌派台，其中一首合唱歌MV請咗陳法拉唱歌同做女主角。（有冇Kiss戲？）難啲，講兄妹情，睇下會唔會夾硬加親熱戲啦！哈哈！另外仲有兩個MV，想搵鍾嘉欣同楊怡做女主角。」他又坦言不怕被指公器私用：「最多畀人話我哋亂倫，係人都知我哋係兄妹！」