陳茵媺讚囝囝腳頭好旺收視

無綫花旦陳茵媺為無綫劇集《單戀雙城》宣傳，對於收視獲得最高31點、平均29點佳績，她非常開心，希望大家繼續捧場。問可覺這高收視來得太遲？茵媺以紅酒來形容：「要慢慢飲味道先會愈來愈濃，之後就有高潮位。（囝囝怕睇壞眼無得捧場？）其實我哋三個都有睇下，但囝囝扭計錯過咗嘅話，我就一手抱B一手拎住電話睇，所以BB會聽到。」

原來拍攝該劇時陳茵媺已懷有兒子，如今再跟他一邊睇一邊聽，感覺很有趣，可能是兒子旺收視，大讚囝囝腳頭好，希望繼續。

談到之前一班好友到她家拜年，李思雅拍下錄影機內兒子Aiden熟睡的照片，問是否不想朋友將兒子曝光才這樣做？茵媺否認：「部Cam係畀我父母睇住囝囝有無咩緊急事，好似轉唔到身咁，（畀人亂話你會唔會唔開心？）少少啦，都唔使太緊張，（同囝囝諗好中文名未？）仲諗緊，呢件事我哋好認真，因為係一世，希望可以盡快公布畀大家知。」