黑面謝霆鋒現身機場　應粉絲要求合照

由謝霆鋒做大廚兼主持的節目《十二道鋒味》，今日攝製大隊啓程到澳洲拍攝，霆鋒經理人霍汶希和為數約20人的製作團隊，到機場辦理登機手續，Mani表示節目製作龐大：「三個月內會去六個地方，用電影製作班底加水準去拍電視節目。」她更指製作費不止100萬一集：「會拍十二集，至少十二樣菜式。」

霆鋒和助手比Mani遲約半小時到達機場，戴住黑超的霆鋒心情似乎麻麻，面燶燶之餘，見到記者更即戴上耳筒。而助手幫忙辦理登機手續期間，霆鋒繼續面黑黑。問他節目內容時，他即冷笑謂：「下？呢度講？唔講住喇！OK？」再追問是否已想好所有菜式時，他才面帶微笑說：「諗好晒喇！」期間不忘提醒記者小心。霆鋒臨入閘前，有女FANS要求合照，霆鋒亦有求必應，之後便一個箭步標入閘。