張家輝出發澳洲幫霆鋒拍節目：我等佢服侍

張家輝是謝霆鋒飲食節目首位嘉賓，他和霆鋒坐同一班機去澳洲，並表示將於當地逗留十日：「我問佢去澳門得唔得？長洲都好！唔使去咁遠啦。」他又笑言等大廚霆鋒服侍:「我唔煮架喇！諗住去休息下，仲要我操勞？佢煮我咪瞓一陣，等佢煮好咪食。（有冇試過佢手勢？）冇架，佢一味自吹自擂話好得，我都係當佢講下笑，唔知佢真定假。（到時畀下面唔好講得咁盡？）咁又唔得，有嗰句講嗰句，如果要做戲搵第二個啦。難食嘅就吞番出嚟，要講嘅就講真說話。」

談到演藝人協會由成龍當選新任會長，家輝聞言即大表好奇謂：「咦！咁都制？佢好似以前做過，做過有經驗應該好啲嘅。」家輝又強調自己不是演協會員：「從來唔係，我入行無耐就成立咗個會，當時冇入到。其實有冇入唔重要，都係演藝圈一份子，好愛演藝圈，不過唔加意見。（秋生有冇同你傾過？）冇喎，佢呢啲情緒波動咁大，唔知點迎接佢呢啲話題，盡量唔好交談呢方面嘅嘢。」