張可頤遭江美儀逼供揭姊弟戀

藝人張可頤及江美儀齊齊現身紅磡，力撐羅敏莊主演的音樂劇。自稱單身的可頤自嘲冇人陪：「江美儀最有義氣，我好冷清，所以要佢拋低男友陪我。」問江美儀會否擔心男友詐型？美儀笑言與與男友暫時分手：「佢去咗馬來西亞，我要同佢分手一日呀！」

談到近期可頤密密晒行山相，美儀即High爆向她進行「大逼供」：「邊個幫你影上山晨跑啲相？」可頤解釋拍照者是一同行山的公司同事，而且全都年齡比她小。美儀終於成功逼出可頤大爆接受姊弟戀，當追問行山朋友中有否「潛力」對象？可頤說：「我唔鐘意靚仔，（接受姊弟戀？）都OK，只要靈魂比較接近同有默契。」可頤承認正在「醞釀」愛情：「等佢同我行山先啦，我等得！」