Dry爆郭富城　當工作係情人

舞台王者郭富城，以敬老大使身分出席長者義賣曲奇活動，「老友記」們見到城城即表現雀躍，更對他摸個不停，城城笑指可能長者們覺得自己像「仔仔」一樣，又謂自己很喜歡老人家。他又呼籲各界關心身邊長者，就算有否血緣關係都應該關心，並透露自己成立的慈善基金都有幫助老人家：「2003年買咗架復康巴士，呢個係基金成立嗰時第一個方向，希望有機會買第二架。」

他透露情人節與媽咪度過，亦有與友人約食飯傾劇本。問到可有約情人，城城笑言工作便是情人，並謂媽咪為他炮製湯圓：「佢煮咗廿幾粒，好彩阿哥都喺屋企，佢食量係我double。」他又表示即將要投入工作，會於半個月內連拍兩個廣告，三月則會開戲，故要好好把握見媽咪的機會。