東網電視
更多新聞短片
馬媽媽睇中千萬心水樓，馬國明即刻以博命搵錢為目標，真係孝順。
1/5
藝人馬國明為新劇《官場浮世繪》拍攝審案場口，本月13日生日的他，表示生日及雙料情人節均是工作中度過：「兩日都係開朝早06，生日收工就同屋企人食飯，情人節當晚就同袁偉豪過。」問到會否和緋聞女友「雙朱」朱晨麗和朱千雪補祝時，他笑說：「冇，緋聞嚟啫。（有冇送情人節禮物畀佢哋？）冇呀，我生日唔係應該佢哋送畀我咩？（咁佢哋有冇送？）冇喎，幫我問下佢哋，叫佢哋請食飯啦。」
身為「男神」的他，重要的日子竟要Dry爆度過，實在令人心痛，難得馬明笑言無所謂：「冇理由聽日過情人節，今日即刻就搵個女仔嚟陪，都係努力啲搵錢先啦，聽講今年樓價會回落，所以今年目標係買間鍾意嘅屋。（幾多位數字？）仲睇緊，不過我媽咪鍾意嗰啲都要8位數。」
馬明BB雖然生日同雙料情人節都要開工度過，但難得佢完全無咋型。
馬明BB排戲時絕不會出現天然呆，全程鬼死咁投入。
馬明BB頂帽好似唔多啱戴，見佢喺現場整咗好耐。
馬明BB頂帽好似唔多啱戴，見佢喺現場整咗好耐。
