佘詩曼拍劇冇時間拍拖

佘詩曼為無綫新劇《使徒行者》趕戲拍外景，曾與林峯傳緋聞的阿佘表示，與他開工度過情人節好開心。問是否感到可憐？她說：「OK啦！（恨拍拖？）順其自然啦！（依家有拖拍？）冇。（有人追？）呢排忙啲，開工呀！」問情人節有否趁機約會追求者？她即拖林峯落水說：「都知約唔到，因為入組拍戲唔得，我尋日咪同林峯過囉！佢都冇得放啦！（千語BB有嚟探班？）冇喎！（林峯有冇愁樣？）都冇，佢哋咁Sweet，我都戥佢開心。」

談到好友梁靖琪（Toby）離婚，問對方有否向她傾訴？她說：「佢大個女識得處理。（佢唔開心？）作為演員應該好識控制情緒，佢OK。」