陳山聰為「女」出戰全馬

記得陳山聰與何超雲拍拖時，日日吃喝玩樂，山聰身型曾一度暴脹不少，不過甩拖後開始練跑減肥，今日更出戰渣馬全馬賽事。向來屬潮人一族的山聰跑步都寧舍型過人，天未光就戴副黑超，穿上運動背心兼笠上透明雨褸備戰。

孤身起跑的山聰表示有女在終點等候他：「開始得自己一個跑，但外甥女會喺終點等我，佢由澳門過來幫我打氣。」他又指前一晚睡得不好，似足小學生去旅行：「之前參加過半馬 ，今次全馬都係第一次，心情有啲緊張。半馬上次跑得晒兼幾好成績， 一個鐘頭45分鐘。今次報五個鐘內完成，等自己無咁大壓力，希望自己四小時內完成。」

提到他瘦了不少，他稱：「跑步一定瘦，加上臨尾一個禮拜跑咗60公里。」而他出賽前準備了能量保充食品及食鹽，他說：「蔣志光教嘅，佢話跑步最容易係抽筋，跑時食鹽揮發好多，所以要帶定鹽。」