黃宗澤同陳嘉容冇感情瓜葛

黃宗澤（Bosco）現身將軍澳電視城為新劇《無雙譜》開工，對於被指與名模陳嘉容曾經有感情瓜葛，他說：「冇回應， （報道）講吓笑啫！我識佢（陳嘉容），但唔通咁多人都關我事咩？（有冇影響同楊崢感情？）冇回應，（有冇同楊崢講番件事？）緋聞嘢，唔使，得啖笑！」

問到如何與楊崢歡度拍拖後首個情人節？Bosco說：「開工呀，有通告為證。（女友投訴？）做嘢吖嘛！（補祝？）日日開工呀！（送咗咩禮物？）三個字：冇回應。（少講感情事？）係啦，想靜啲，費事搞到咁多嘢咁！」