森美捱到殘新劇半途劈炮：願承擔責任

原定去年九月開拍的無綫重頭劇《使徒行者》可謂幾經波折，先有為遷就答應參與演出的影帝梁家輝檔期而延遲開鏡，但後來家輝卻拍電影斷肋骨迫於辭演，而昨日又爆出主角之一的森美同樣因健康理由而辭演。

森美接受電話訪問時透露已拍攝了約10組戲，但最近同時兼顧電台工作、無綫節目主持和多場農曆新年活動司儀，工作量過大令身體支撐不住，他說：「之前捱病咗，發高燒，衡量過自己身體，覺得真係捱唔到，之前都試過捱到病，但今次真係『冧咗廠』，好少病到咁，好驚影響套戲，怕拖延個進度，有諗過減戲份，但係怕減咗都捱唔到。」

對於劇組已找來馬德鐘頂上，未接獲通知的森美則感到愕然，只稱留待無綫決定。

森美亦多番強調無綫一直努力配合他的時間，從不阻撓他在外接Job，因此他為劇組帶來的麻煩深感抱歉：「明白佢哋辛苦，成日都諗辦法度我個期，好對唔住TVB，的確係我嘅缺失！（怕唔怕有是非？）如果真係有我都樂意承受，因為係我自己嘅問題。（怕唔怕無綫追究？）我好樂意承擔，我真係影響到拍攝。」