鍾嘉欣離奇失竊事件　當買教訓

鍾嘉欣最近夥拍敖嘉年等為無綫新劇《大藥坊》開工，她前晚打扮性感出席《加昇駿馬迎新歲新春晚會》期間，自爆遇上「離奇失竊事件」：「有日喺提款機撳咗6千蚊出嚟，叫Pizza請大家食，埋單約2千幾蚊，跟住嗰幾日都冇乜點用過錢，銀包約有3,500蚊左右，點知有日走去超級市場買生果，畀錢時打開銀包先發現得番150蚊！」

對於「失竊」，嘉欣百思不得其解﹕「有懷疑過畀人偷咗，亦唔知係咪大意跌咗，總之個銀包只係放喺自己個隨身篋度。（唔報警？）當時拍緊外景，所以冇搞，咪當破財擋災囉！（有冇擔心過同事手腳唔乾淨？）冇，都冇唔開心，以後叫自己小心啲好過，自己嘅嘢梗係要自己負責，唔會懷疑人哋，咪當買咗個教訓囉！」