黃浩然囝囝行街街　扮鬼臉玩踢腳萌爆！

38歲的黃浩然和太太莫家嘉，帶同萌爆的三歲大仔Kayden行街。小Kayden全程表情多多，更活潑地於名店起飛腳，又對着櫥窗公仔扮鬼臉，繼而再醒目地對着鏡頭手指指兼揮揮手，可愛度爆燈。

黃浩然大約下午五時多與太太及Kayden等抵達銅鑼灣，他們先往挑選靚靚童裝和玩具，期間小Kayden雀躍地滿場飛，未幾已挑中心愛玩具，並拿上手不願放下。見寶貝仔喜歡，黃浩然二話不說馬上付錢。離開童裝店後，一行人再轉戰名店，途中Kayden一度天真地對着櫥窗公仔扮鬼臉，兼擘大口大嗌，十分搞笑。

進入名店後，Kayden興奮度明顯大減，在店內玩踢腿，一副自得其樂模樣。未幾，醒目的Kayden即發現記者鏡頭，並搞笑地指着鏡頭，黃浩然見狀即一手抱起仔仔，並友善地教他揮手，只見Kayden相當醒目，一邊揮手一邊大嗌Hello，係人見到都畀佢冧爆。